MPINA AWAMWAGIA MABILIONI WAVUVI NCHI NZIMA - Hallo rafiki WORLD MAELEZO LATEST, Katika makala kusoma wakati huu na kichwa MPINA AWAMWAGIA MABILIONI WAVUVI NCHI NZIMA, tumeandaa vizuri kwa makala hii kusoma na kupakua maelezo humo. pengine kujaza posts makala afya, makala biashara, makala general, makala hobby, makala karibuni info, makala michezo, makala siasa, makala utamaduni, sisi kuandika anaweza kuelewa. Naam, furaha ya kusoma.

title : MPINA AWAMWAGIA MABILIONI WAVUVI NCHI NZIMA
kiungo : MPINA AWAMWAGIA MABILIONI WAVUVI NCHI NZIMA

MPINA AWAMWAGIA MABILIONI WAVUVI NCHI NZIMA

Waziri wa Mifugo na Uvuvi Mhe. Luhaga Mpina

Mwenyekiti wa Kamati ya Kudumu ya Bunge, Kilimo, Mifugo na Maji, Mahmoud Mgimwa(Aliyesimama) akizungumza katika kikao hicho kushoto ni Waziri wa Mifugo na Uvuvi, Luhaga Mpina na Mjumbe wa Kamati hiyo Calist Komu

Waziri wa Mifugo na Uvuvi, Luhaga Mpina wa pili kutoka kushoto akiwa kwenye picha ya pamoja na wadau mbalimbali waliohudhuria kikao hicho mara baada ya kumalizika


NA JOHN MAPEPELE,MWANZA 


Waziri wa Mifugo na Uvuvi, Luhaga Mpina ametoa muda usiozidi mwezi mmoja kwa watendaji wa Wizara yake kufanya marekebisho ya Kanuni Uvuvi ya Mwaka 2009 ili kuruhusu kuvuliwa kwa samaki aina ya Sangara kuanzia sentimita 50 na kuendelea ili kudhibiti utoroshwaji wa samaki hao kwenda nchi jirani na kuifanya Serikali na wadau wa uvuvi kupata mapato makubwa zaidi kutokana na uhifadhi unaofanywa katika Ziwa Victoria.

Akizungumza kwa katika kikao cha pamoja baina ya Kamati ya Bunge ya kudumu ya kilimo mifugo na maji na makundi ya wadau wa sekta uvuvi katika ukumbi wa mkutano wa Ofisi ya Mkuu wa Mkoa wa Mwanza mwishoni mwa wiki,Mpina amesema kanuni ya sasa ya uvuvi inaruhusu kuvuliwa kwa Samaki Sangara kuanzia sentimeta 50 hadi 85 hali ambayo inawafanya samaki wakubwa zaidi ya sentimita 85 kuuzwa katika nchi jirani kwa kuwa nchi nyingine zinaruhusu kuvuliwa kwa samaki hao na Tanzania kubakia kuwa eneo la mazalia na malisho ya samaki hao.

“Wizara yangu haitalala itahakikisha kwamba wananchi wananufaika na biashara ya samaki na mazao yake, lishe bora na ajira zaidi zinazotokana na uhifadhi, sisi akina Mpina ni vibarua tu wa kulinda raslimali za uvuvi kwa faida ya vizazi vya sasa na baadaye kwa hiyo tuendelee kudhibiti uvuvi haramu ili uvuvi ututajirishe” alisisitiza Mpina

Aidha ametoa muda wa wiki mbili kwa Taasisi ya Utafiti wa Samaki nchini(TAFIRI) kushirikiana na wavuvi wa Bahari ya Hindi kufanya utafiti wa vyavu za kuvulia dagaa mchele ili kupata majibu ya kisayansi yatakayosaidia kutoa uamuzi wa kutumia nyavu za kutoka sentimeta 10 hadi sentimeta 8.

Waziri Mpina alisema kutokana na udhibiti wa uvuvi haramu uliofanywa na wizara yake katika kipindi cha mwaka mmoja sasa ripoti iliyowasilishwa katika kikao cha Mawaziri wa sekta uvuvi kwa nchi wanachama wa Jumuiya ya Afrika Mashariki wanazunguka ziwa Victoria jijini Arusha mwanzoni mwa mwezi Machi mwaka huu inaonyesha kuwa samaki wazazi aina ya Sangara wameongezeka katika ziwa Victoria kutoa asilimia o.4 ya awali hadi kufika asilimia 5.2 ambapo kwa kawaida inatakiwa kufikia kiwango cha alisimia 3.3 huku samaki waliokuwa wanaruhusiwa kuvuliwa (ambao ni sentimita 50-85) kuongezeka kutoka asilimia 3 hadi 32 na samaki wachanga kupungua kutoka asilimia 96.6 hadi 63.

Alisisitiza kuwa Serikali itaendelea kusimamia kikamilifu Sheria ya Uvuvi Namba 22 ya Mwaka 2003 pamoja na Kanuni zake za Mwaka 2009 ambapo aliongeza kuwa njia pekee kwa wavuvi ni kuzingatia sheria badala ya kutaka kuonewa huruma na vyombo vya Serikali huku wakiendelea kufanya uvuvi haramu.

Katika hatua nyingine Mpina ametoa onyo kali kwa wamiliki wa viwanda vya kuchakata samaki kuacha mara moja kupuuza maagizo ya Serikali ya kuwataka kuzingatia bei elekezi ya kuanzia shilingi 5500 kwa samaki aina ya Sangara kutoka kwa wavuvi ambapo amesisitiza kuwa hatua za kisheria zitachukuliwa kwa yoyote atakayebainika.

Alisema ni kosa kwa wamiliki wa viwanda vya samaki kupunguza bei za kununua Sangara kwa wavuvi kwa visingizio kuwa bei imeshuka katika masoko ya kimataifa bila kutoa uthibitisho wowote.

Akitolea ufafanuzi juu ya hoja mbalimbali zilizowasilishwa kwa Serikali na wadau wa uvuvi Mpina alisema Wizara yake inatambua kumekuwa na changamoto na mapungufu katika sekta ya uvuvi nchini ndiyo maana Wizara imeamua kuifumua Sheria ya Uvuvi ili ifanyiwe marekebisho na kutunga Sheria nyingine ya utunzaji wa viumbe kwenye maji ili wadau wote waweze kuchangia mawazo yao na kuboresha ili iendane na mazingira ya sasa.

Pia Mpina alisema Serikali imeamua kuruhusu taa za mwanga wa jua na majenereta kwa wavuvi ambapo amesisitiza kuwa serikali inaendelea na utafiti ili kuona teknolojia 

Kuhusu suala la kusafirisha samaki kwa kutumia gari maalum na serikali kutoruhusu kuchukua samaki kilo 20 hadi zilipiwe alisema kwamba tayari Serikali ilishalitolea ufafanuzi kwamba wananchi hawazuiliwi kubeba kiasi hicho cha samaki pia gari yoyote inayozingatia usafi inaruhusiwa kubeba samaki.

Alionya watanzania kuendelea kutumika kama madalali wa wafanyabiashara wa dagaa kutoka nchi jirani na kujifanya kuwa ndiyo wanunuzi ilhali wanafanya hivyo kukweka kulipa kodi za Serikali.

Akichangia katika mkutano huo mbunge Mheshimiwa Emanuel Papiani alipongeza juhudi zinazofanywa na Wizara ambapo aliwataka wamiliki wa viwanda vya kuchakata samaki kufanya biashara kwa uaminifu na kufanya biashara zao kwa uwazi na kushirikiana na serikali tofauti na ilivyo sasa ambapo wamekuwa wanashusha bei za samaki bila kuishirikisha Serikali na wadau wengine wa sekta ya hiyo.

Mwenyekiti wa Kamati ya Kudumu ya Bunge, Kilimo, Mifugo na Maji, Mahmoud Mgimwa aliipongeza Wizara kwa jitihada na mikakati mbalimbali inayoibuni kwa wavuvi ili kuwasaidia waweze kupata manufaa na shughuli za uvuvi

Mgimwa alisema katika kipindi cha muda mfupi Wizara imeanzisha Dawati maalum linaloshughulikia sekta binafsi katika kuwaunganisha na fursa mbalimbali ambapo pia Wizara imesaidia kuwashawishi benki ya kilimo kuanzisha benki hiyo katika jiji la mwanza ili kutoa mikopo kwa wavuvi.

Alisema kamati yake imekuwa ikifanya kazi kwa karibu na Wizara na itaendelea kuisimamia na kutoa maelekezo mbalimbali kwa niaba ya wananchi ili kuweka daraja baina ya serikali na wananchi.

Alisema alifarijika kuona kuwa maelekezo yote yanayotolewa na Kamati yake kwa Wizara yanafanyiwa kazi ikiwa ni pamoja na marekebisho ya Sheria ya Uvuvi na 22 ya Mwaka 2003 ambapo aliwahakikishia wa wavuvi kuwa maoni yao yatazingatiwa katika sheria mpya na kwamba wana fursa mbili za kushiriki katika utoaji wa maoni hayo yakifikishwa bungeni na kabla ya kufika bungeni. 

Naye mvuvi na mfanyabiashara wa mabondo onesmo Nzagamba amepongeza juhudi zinazofanywa na Serikali ya awamu ya Tano za kuwasilikiliza wadau wa sekta ya uvuvi ambapo amesema maamuzi na maelekezo ya Waziri Mpina yatawanufaisha siyo tu wavuvi bali wananchi wengi masikini.
“Tunamshukuru Mheshimiwa Rais John Pombe Joseph Magufuli na Serikali yake kwa kuendelea kutujali sisi wanyonge” alisisitiza Nzagamba

Hivyo makala MPINA AWAMWAGIA MABILIONI WAVUVI NCHI NZIMA

yaani makala yote MPINA AWAMWAGIA MABILIONI WAVUVI NCHI NZIMA Wakati huu, pengine unaweza kutoa faida na wewe wote. Sawa, kuona katika post nyingine makala.

Wewe ni sasa kusoma makala MPINA AWAMWAGIA MABILIONI WAVUVI NCHI NZIMA mahali kiungo https://wordmaelezo.blogspot.com/2019/03/mpina-awamwagia-mabilioni-wavuvi-nchi.html

Tweet

Subscribe to receive free email updates: